النهاردة ومن اربع ايام فاتوا الجو حر جدا ومليان غبار قعدت اسأل اية اللى عامل فى الجو كدة وعرفت فى الاخر ان دة من اسباب حرق قش الرز والولا ابن اختى جالة كرشة نفس والواحد مخنوق فعلا . الجو دة معطل خلايا التفكير فى مخى . طيب وبعدين الناس دى بتحرقوا لية طيب ما ممكن يرموة فى اى حتة اكتشفت ان الفلاحين ليهم اسبابهم يعنى مش بيحرقوة من غير سبب . طيب اية هى الاسباب ؟ 1- يتخلصوا منة 2- الجو يبقى حر عشان يمنع المحصول من الصقيع 3- الحشرات اللى بتهدد المحصول تموت 4- وان الحكومة مش عاملة خطة للتخلص من قش الرز 5- بتساعد فى خصوبة التربة
طيب الناس تعمل اية بالقش لو متحرقش . لقيت انا وبدور على النت حل للمشكلة دى . ان ممكن القش دة يستخدم ويتعمل منة
1-علف للماشية 2- يدخل فى صناعة الخشب 3 - يدخل فى صناعة الكرتون 4 - يطلع منة غاز طبيعى الفلاحين يستخدموة بدل الانابيب
ودة طبعا هيقلل الاصابة بالربو والامراض التنفسية و هيمنع التلوث وهيشغل ناس ويجيب فلوس . والناس ممكن تعمل كدة بالجهود الذاتية من غير ما تستنى الحكومة او خواجة يجى يشترى القش دة . ممكن كل عمدة فى قرية يجتمع بالمزارعين ويقولهم ياجماعة احنا نشترك ونعمل مصنع كرتون او خشب او علف ويشغلوا فية شباب القرية العاطل او يتفقوا مع وزارة البترول ويبعوهولها . حتى لو مش عشان الجو والناس عشان ولادهم ميتعبوش . الامراض كترت والناس مش ناقصة بدل ما ندفع الفلوس فى العلاج ندفعها فى الاستثمار والمحافظة على البيئة . نهايتاً حبيت اقول حلول ودى لينكات لبعض المشاريع اللى ممكن تتعمل :
والمطلوب مننا كمجتمع مدنى اى حد يقرا المقال بتاعى ومهتم بالموضوع دة وعايز يعمل حاجة يروح للقرى اللى جنبة ويحاول يقابل العمدة ويشرحلة والفكرة ويشوف يمكن يغير حاجة . انا نفسى كلمت اصحابى اللى فى القرى اللى جنبى ولكن للأسف كانوا حرقوا خلاص وملحقتهمش
شكراً ليكم
تحميل...
التعليقات:
١. falary
الجمعة ٠٧ مايو ٢٠١٠ ٠٢:٥٦:٣٤ مساءً
حرق قش الارز
اما عارفه اني اتاخرت كتير علي الرد بس والله انا لسه قراه دلوقتي بجد يسلم عقلك ياهاني الموضوع جميل جدا المشكله ان الموضوع دي حله في ايدينا بس مش عارفه الناس بتفكر ازاي احنا ممكن نستغل القش دي في حاجات كتير مثلا في صناعة الورق وبكده هنوفر فلوس كتير انا بتمني ان نشغل عقلنا شويه واحنا هنتقدم كتير لان احنا بجد عندنا شباب يفرح
اولا يا هاني بسجل اعجابي بموضوعك لان اجمل حاجه عملتها انك مش بس عرضت المشكلة لا انت كمان بحثت ليها عن حل ودي نقطة مهمه جدا لان احنا مش حنستفيد حاجه لما نتكلم عن المشاكل لازم نفكر شوية في الحلول بقى
ثانيا بقى انا عايزة اقولك ان الخميس اللي فات كان عندنا اقاربنا اللي عايشين في استراليا و جايين زيارة وبالصدفة جات سيرة كلام وقالوا انهم وهما جايين في الطيارة شافوا مصر من فوق عبارة عن سحابة سودااااااااا
طيب انا عايزة افهم حاجه يعني العوادم والمصانع دي غصب عنكم وقلنا ان اصحابها ناس كبار ومش حاسين بالناس الغلابة لكن حرق الرز دي حاجه بتعملوها انتوا يا فلاحين يا غلابه بايديكم
المهم اثناء كلامهم انا افتكرت كلام انتيمتي اللي اخوها كان في بعثة في فرنسا وجاي يحكي قد ايه المنظر كان رائع وهو في الطيارة من اضواء ومباني وخضرة بجد انا حسيت اني اتكسفت اوي اتكسفت لبلدي اللي كنت اتمنى تكون اجمل بلد
.jpg)
قش الرز والولا ابن اختى جالة كرشة نفس والواحد مخنوق فعلا . الجو دة معطل خلايا التفكير فى مخى . طيب وبعدين الناس دى بتحرقوا لية طيب ما ممكن يرموة فى اى حتة اكتشفت ان الفلاحين ليهم اسبابهم يعنى مش بيحرقوة من غير سبب . طيب اية هى الاسباب ؟ 
