يا جماعه كل واحد ممكن يقول رايه بس من غير اي كلام يجرح

فاختلاف الراي لا يفسد للود قضيه

واحنا فعلا بنفقد لغه الحوار وده طبعا

عند البعض وليس الكل ومحتاجين

نعالج الامر ده زي ما الاخت غدير قالت اننا نعالجه في الاجيال القادمه وابتداءا من انفسنا

(ممكن ايميلك GhaDeeR AhmeD)

اتمني نكون اصدقاء

انا اعتقد ان لغة الحوار ما عدتش موجوده زي زمان

هاى ممكن اتعرف على حد محترم

انا عتقد ان لغه الحوار لكل شخص مننا ..بتختلف باختلاف ثقافته

وتربيته والمدى الادراكى لعقله...وعلى ما اتقد انها فعلا مشكله حقيقيه وبتظهر اكتر فى الاعلام

مثلا فى حوار اتنين مسؤلين مع بعضهما البعض ...او مع طرف ناقد اخر

بيظهر حده شبيعه فى الحوار ..ودا بيعطى مدلول سىء عننا للشخص اللى بيشاهد اعلامنا المرئى

جزاك الله خيرا ...موضع النقاش قيم جدا

 لازم  الانسان المتقدم يكون له اسلوبه الخاص به في التعامل مع الناس 

والمفروض منحكمش علي شعب كامل بعدم التعامل الجيد في الحوار لان في ناس كتير كويسه والعكس صححيح وده مش في مصر بس 

والمفروض اننا نكون مفتخرين باننا عرب 

شكرا ل GhaDeeR AhmeD

على الرد الجميل بتاعك ولكن انا بختلف معاكى فى الالفاظ اللى بستخدمها ملهاش علاقة بلغة الحوار لأن دة زى مقولت نقد لظاهرة معينة يعنى مينفعش انقد حاجة وفى نفس الوقت اشكر فيها ودة شىء بديهى ممكن تلاقية فى الصحف والمجلات لما وزير بيغلط او مسئول بيكتب عنة الفاظ زى دى

ثانيا مين اللى قالك انى مش متقبل رأى الاخرين وانى مش مدى للأخرين الفرصة يقولوا رأيهم  بالعكس انا احب اعرف رأى الناس فى اللى بقولة يأما مكنتش كتبت فى المدونة بدليل انى ممكن اشيل الردود اللى متعجبنيش ومشلتهاش عشان يبقى فى حوار 

ثالثا : انا من حقى اتعصب لرأيى لغاية ما اللى قدامى يقنعنى بالعكس بالمنطق والعقل مش يتهجم عليا لشخصى
فى الاول والاخر احنا بناقش ظواهر بطريقة موضوعية ومفيش داعى للتطاول والخروج عن الموضوع  

رابعا : بالنسبة للعرب انتى استدليتى بالشعر والهجاء ودة ميدلش على لغة الحوار لأن مفيش حوار اصلا ودائما العرب كانوا فى حروب مع بعض والقبائل كانوا بيقتلوا الالاف من بعض ودة موجود فى تاريخ شبة الجزيرة العربية   

وشكرا ليكى مرة تانية على الرد  

السلام عليكم   ..

مبدأيا وقبل أي شيء   ..

ما معنى ان نتحدث عن لغة الحوار ونحن لا نعرفها ؟؟ .. من تحدث عن لغة حوار وهو لا يتقنها فكأنما فعل لا شيء من الاساس   ..

لماذا كاتب المدونة تتحدث عن لغة الحوار وتشيد بالغرب في تنفيذها والإلتزام بها في حياتهم وانت نفسك لا تتقنها ؟؟
هل من الممكن أن تكون تطبقها وأنت تطلق على العرب لفظ (( عرر )) ؟؟

أم عنوان مدونتك الأخرى (( ولا اوبااما ولا بوش الاتنين أعفن من بعض )) ؟؟

ألم تعلم ان التعامل بلغة حوار جيدة من أساسها إختيار الألفاظ التي تتحدث بها ؟؟

وأن تُعطي الفرصة لمن أمامك ان يُناقشك ولا تتعصب لرأيك كما فعلت الآن ؟؟

وإن خالف رأيه رأيك الشخصي تتقبل الأمر بصدر رحب ... وأن تعترف بداخلك أن حديثنا جميعاً ما هو إلا وجهات نظر ؟؟

وكم تختلف وجهات النظر سيدي الفاضل .. لأن كل إنسان له وجهة نظر خاصة به نابعة من بيئة تربى بداخلها .. ومجتمع دائم الإحتكاك بالأفكار بعضها البعض .. وعليك إحترامها وتقبُلها ما دمت قبلت النقاش والمناقشة   ..

ألم تعلم أيضاً ان من المفترض وأنت تتحدث عن لغة الحوار ألا تدع تحيزك الشخصي لشيء وإنتمائك لفكرة ما .. أن يسيطر على أسلوبك في التعبير عن الفكرة الحيادية المطلوبة وانت تتعامل بلغة الحوار الصحيح ....؟؟ ما بالك وأنت تتحدث عنها ولا تعرفها   ..

..

أخي الكريم دعي أتحدث عما أنت تتحدث عنه   ..

دعنا أيضاً نعترف سوياً أن مقدمة مدونتك جذابة .. وحقيقة فعلية   ..

مشكلة في مجتمعنا وهى أن الكبار يعتقدون دائماً أنهم على صواب .. بحكم خبرتهم في الحياة وطيلة مدة تجاربهم   ..

ولكننا لم ولن نملك حلاً واضحاً لهذه المشكلة سوى ان نتقبلها فقط ... كما هي   ...

ولكن يمكن حلها على المدى البعيد   ..

فإن كان الجيل الماضي والأجيال الفائتة لم تتعلم جيداً فكرة تقبُل الرأي الآخر خاصة ان كان نابعاً من اشخاص حديثي السن   ..

فإننا مازلنا نملك الاجيال القادمة .. اطفالنا وأخواننا الصغار .. تلاميذنا .. وقبلهم نملك أنفُسنا   ..

نحن وإن علمنا جيداً ان التعصب لا يُجدي شيء ولا جدوى من الصوت المرتفع وفرض الرأي   ..

فعلينا ان ندربهم على الأساليب الصحيحة للمناقشة   ..

أدب الحوار ولغة الحوار .. صيغ الحوار .. الحوار نفسه عما يكون .. وما ينبغي ان نتناقش فيه .. وماهو لا يقبل النقاش .. كالنقاش في العقيدة مثلاً   ..

إن نجحنا كأفراد أن نطبق هذه الأسس على أنفُسنا .. وأُتيحت لنا الفرصة ان نعود عليها الاجيال اليافعة   ..

فهنئياً لك أجيالاً قادمة .. سامية اللغة .. سليمة المنطق .. راقية الأسلوب الحوارى   ..

أما عن عنوان المدونة .. (( هل فقدنا لغة الحوار أم هي ليست موجودة أصلا )) ..

دعنى أقل لك شيئاً ان الأصل لكل شيء هو الفطرة .. وإن كانت الفطرة إنساناً لكان الإسلام هو الثوب المُفصل عليها   ..

لا يخرج عنها .. ولا تتجزأ منه  ..

وخير دليل على ما أقول .. هو لغة الحوار عند النبي صلى الله عليه وسلم ..

فلننظر كم كان راقياً .. مهذباً في كلامه ... وإن ناقشه أحد أنصت له إلى أن ينتهي .. ثم أقنعه صلى الله عليه وسلم برأيه ..

وأما حديثك عن العرب بأنهم ليسوا من وُجدت عندهم لغة الحوار وأنها نابعة من الغرب ..

فلك أن تقرأ الشعر الجاهلي .. وخصوصاً الهجاء ..

فالبرغم من أنه هجاء .. إلا أنك لن تجد شاعر .. قاطع شاعراً اخر يهجوه .. وإنما ينتظره حتى يفرغ من قصيدته .. ثم يرد عليه هجاؤه بقصيدة أقوى منها ..

فهذه هي لغة الحوار عند العرب القُدامى .. موجودة ومتأصلة منذ الجاهلية مروراً بالاسلام .. وحتى يومنا هذا ..

وليس ذنب أحد ان المدنية أفقدتنا كتير من جوانب حياتنا كـ عرب .. !!

..
وأحب ان أختم بالحديث عن أبي العريف المصري ..!!

وكم كثيراً هؤلاء المُدعين بالعلم وهم جهلاء ..

ولنتذكر سوياً بيتاً لأبو النواس ..

قُل لمن يدعي في العلم فلسفة ً ... حَفِظت شيئاً وغابت عنك أشياء ُ ..

وأسفة للإطالة ..

GhaDeeR AhmeD

انا اسمى هانى الشهير بماتركيشن صاحب نظرية الماتركة ودة ايميلى

matrikation_t@yahoo.com

matrikation@hotmail.com

برحب بأى حد يفتح باب المناقشة

ممكن اتعرف علي حد يكون محترم

انا مش لقيه حد اتكلم معاه بجد

لعابر سبيل و toty 

انا مقولتش ان الغرب هو أساس لغة الحوار وبغض النظر عن الأساس . أهم حاجة مين اللى بيطبق صح . بالنسبة لشخصية ابو العريف أنا ماشى على مبدأ اللى مليش فية مفتيش فية مش زى البعض مفكر ان هو لو قال معرفش او هبقى اقرا وارد عليك تبقى عيبة كبيرة فى حقة على سبيل المثال لو تهت فى منطقة وسألت حد . ممكن يكون مش من المنطقة ويوصفلك غلط بس عشان ميقولش معرفش 

اما بالنسبة ل Ooz

انا مش فاهم عرب اية اللى احنا بنحميهم انت مش بتشوف اية اللى بيحصل فى غزة والعراق . وبعدين عرب اية اللى انت فرحان بيهم دول شوية عرر استنجدوا بأمريكا عشان تحميهم من صدام وبعدين لما جيش مصر بيحمى المصريين زى ما بتقول . العسكرى اللى مات على الحدود من القصف الأسرائيلى الجيش مجبلوش حقة لية وبعدين لازم تفرق بين النقد والشتيمة والنفسنة

وشكرا ليكم على الرد  

انا معاك ياهان ان الشعب المصرى وانا وانت اولهم بققققققق على الفاشى

بس بأيد الراى بتاع عابر سبيل ان اصل الحوار موجود هنا عندنا فى دينا الاسلام ولولا جهلنا بيه كنا اتقدمنا وبقينا افضل من الصين اللى حاجتها غرقت البلد دى

قالك بالنسبة لأبو العريف فهو الشعب المصري ..

عايز اقولك بقة ان لولا الشعب المصري دة مكنش هيبقي في حاجة اسمها عرب

ودولة زي امريكا او أسرائيل مكنتش سابت اي دولة عربية في حالها ....

بس دة محصلش وببساطة لأن جيش مصر اللي انت بتتكلم عنها كدة هو اقوي جيش عربي

وهو اللي حامي الناس اللي زيك .. اللي بتيجي في الاخر وتشتمنا ... وتنفسن علينا

كلامك تمام لكن اذا كان الغرب احسن مننا فى الحوار زى منت بتقول ياهانى

بس متنساش ان فى ناس عندنا افضل بكتير والكلام ده مش بينطبق على كل العرب

انت كده موجه التهمه شامله للعرب كلهم انهم مش بيفهمو حاجه فى لغه الحوار

ومتحيز للغرب ان هو اساس لغه الحوار

مع ان اساس لغه الحوار الصح فى الاسلام وفى كتب اتصنفت فى الحوار وادبه فى الاسلام

يعنى احنا الاصل وعلى الاصل دور زى مابيقولو

يعى لما تحب تتعلم وتنصح حد فى ادب الحوار ياريت متتعلمنش من الغرب وسيبك من الهيمنه دى

لكن اقرا كتب اسلاميه اتصنفت فى الموضوع ده وانت هتعرف وتفهم لغه الحوار الصح ومن هذا المنطل هتقدر تنصح وتعلم

الناس واصحابك ومن الاسلام مش من حد غريب

وبالنسبه لابو العريف فهو الشعب المصرى

ومتزعلش منى انت اولهم