النهارده معايا موضوع مختلف شويه ياجماعةانا مشترك فى منتديات اجنبيه ومتابع فيهاا وكدا فبالصدفه النهارده دخلت القسم الكوميدى فى منتدى الموقع دا
www.ho....ers.com 'طبعا دى الحروف الأولى والاخيرة من اسم الموقع لانى طبعا مش عاوز اعمل له دعايه المهم لقيت موضوع بعنوان star trek دا اسم فيلم اومسلسل مش عارف بالظبط ودخلت الموضوع لاقيته عباره عن نكته بس كانت دمها تقيل اوى بصوا دى النكتة
الترجمه بتاعها : بيقولك ان السفير الايرانى فى الامم المتحدة خلص القاء الخطاب بتاعه ومشى فى الرواق لغايه ماقابل الرئيس الامريكى بوش
بعد ما سلموا على بعض السفير بيقول لبوش " انا عندى سؤال واحد بس عن اللى شفته فى امريكا" بوش قال له : هعمل اللى هقدر عليه علشان اساعدك
فالسفير الايرانى همس له وقال : انا ابنى النهارده شاف العرض دا اللى اسمه " ستار تريك" وشاف فيه شيكوف وكان روسى ، وسكوتى اللى اسكتلاندى ، ويورا الاسود ، وسو لو اللى كان الصينى بس ماشافش عرب "
ابنى منزعج جداً ومش فاهم هو ليه مافيش عرب او ايرانين او عراقيين فى الفيلم
فبوش ضحك وميل عليه وقال له
" اصل الفيلم دا فى المستقبل "
دى النكته البايخه
بس مضمون النكتة مش بايخ دا عميق وعميق اوى معنى الكلام انهم معتقدين ان العالم فى المستقبل هيبقى خالى من العرب شقتم التفكير عامل ازاى حتى فى النكت ولا انتم ايه رأيكم ؟
